Ordenagailuaren bidez ikasten

Material Didaktikoa

2008-05-28T06:41:00.000-07:00

Hona hemen gure lana:

08-05-19

2008-05-19T12:48:00.000-07:00

Terueleko herri batean, Ariñon hain zuen ere, hezkuntzan aritzeko metodo berri bat erabiltzen dute. Haiek, ez dute testulibururik erabiltzen, informazioa era digitalean aurkezten dute. Irakasleak berak, irakasgaia aurretik prestatu behar izango du eta horrek lan handia eskatuko luke.
Ikasle bakoitzak, ordenagailu bat izango du eta bertatik, irakasleak azaldutako guztia lantzeko aukera izango dute. Era berean, agindutako etxeko lanak edota gelako ariketak egin ahal izango dituzte.
Oinarri digitala erabiltzea, nahiko erakargarria dela uste dut. Ikasleentzako hasiera batean, ulertzeko esfortzua suposatu arren, gaur egungo munduan eragin handia duen baliabidea ulertzeko eta bertan barneratzeko metodo ona iruditzen zait.

08-05-19

2008-05-19T12:03:00.000-07:00

Osteguneko saioan, pasaden astekoari lotuta, Power point programak eskaintzen dizkigun beste baliabideak ezagutu eta erabili ditugu. Ikasitako hori, guk egindako ariketa txiki horretan sartu behar izan dugu. Trantsizioak eta efektuak erabiltzen ikasi egin dugu . Beraz, guzti hau oso erabilgarria suertatuko zaigula uste dut eta ondo dago ezagutzea eta erabiltzen jakitea, aurkezpen on bat egin dezagun.
Bestalde, saio teorikoan, azterketari begira genituen zalantzak argitzen egon gara,eta era berean, zenbait puntu argitu egin ditugu.

08-05-10

2008-05-09T02:43:00.000-07:00

Ordenadoreak ikasgeletan
Gaur egun, teknologia berrien aurrerakuntza dela eta, ikasgeletan ere eragin hori nabaritu izan da.Beraz teknologia berrien erabilpena ikuspuntu berritzaile batetik begiratu behar da. Curriculumean teknologien erabilpena integratzeko beharra sustatu nahi da, praktika erabilgarriak garatuz. Praktika horiek ikaskuntzaren oinarrizko konpetentziarantz orientatuta egon beharko dira.
Alfabetizazioa oinarrizko funtzio da, hau da, ikasleek edukiak ulertu, baliabideak menperatu eta kodigo desberdinak erabiltzen jakin behar dute. Beraz, irakasleak ikasle alfabetatuak sortzeko beharrean daude , teknologia mundu horretan barneratuz, atzean gera ez daitezen.

08-05-10

2008-05-09T02:34:00.000-07:00

Teknologia eta metodologia:
Bideo honek, teknologia izatearen aldaketa aurkezten digu.Hasierako ikasgela, arrunta agertzen da, non irakaslea klaseak ematen ditu bere apunteekin lagunduta. Geroago, modernizazio prozesuak bultzatuta, teknologiaren beharra aurkezten digu. Beraz, gelan, teknologia berriak sartaraziko dituzte eta umeek ikasteko arbela erabiltzearen ordez, pantaila erabiltzen dute, bertan ikasi beharrekoak islatzen direlarik. Baita, ume bakoitzak ordenadore bat erabiltzeko aukera ere aurkezten digu. Argi dago, teknologia erabiltzeak arreta mantentzeko balio duela, eta horrek eragin positiboa ekar dezakeela. Lehen erabiltzen zuten metodologia, beraz, aldatzeko beharrean daude. Oraingo honetan, teknologiaren eraginez, metodologia berria eta modernoa erabili beharko dute, aparatuetara egokitutakoa .Segun eta zein-nolako baliabideak dituzten, halako metodologia erabili beharko dute. Gu gizarte moderno horri egokitu beharrean gaude eta hori ere, ikasgeletan ikus dezakegu. .

08-05-10

2008-05-09T02:08:00.000-07:00

Egunon!
Atzoko saio praktikoan, power point programan aritu ginen. Bertan, irudiak itsatsi gentituen eta umeentzako ariketa bat prestatu genuen. Irudi horiei soinua jarri genien.Gure ahotsa jartzen ikasi nuen eta baita estekak jartzen ere. Nik behintzat, ez nekien nola egiten zen hori.
Bestalde, saio teorikoari dagokionez, ez zenez egon, taldean aritu ginen.
Besterik gabe.

08-04-28

2008-04-28T05:16:00.000-07:00

Eguerdion!
Ostegunean, saio praktikoan, batez ere gelakideen helbideak sartzen eman genuen ordu osoa. Batzuek, zalantzak zituzten link-ak zirela eta. Beraz, zalantza horiek argitzen eta besteen helbideak sartzen egon ginen.
Bestalde, saio teorikoan, gizartean teknologia berriei dagokionez, egondako aldaketak azpimarratu genituen. Horiek, hezkuntzan ere eragina dutelarik, aldaketa zuzenak edota ez zuzenak egon daitezke. Hala ere,aldaketa bi horiek era batean edo bestean,ukitzen gaituzte. Aldaketa zuzenetan,ordutegiak edota baliabide berriak sartuko lirateke eta zeharkako aldaketetan, balore berriak edota kultura berriak sartuko genituzke. Aspektu horiek guztiak, teknologia berrian aplikazio hezgarrian eragina daukate.
Besterik gabe.

08-04-24

2008-04-24T00:23:00.001-07:00

Bideo honek blog baten inguruan, ikasle baten iritzia aurkezten digu. Neskak dioen legez, blogak ezagutarazi egiten digu. Nolabait, geure burua erakusteko aukera ematen digu, iritziak elkar trukatuz eta besteengandik ikasiz ere. Berak esperientzian oinarrituta, blogak esparru askotara zabaldu egiten gaituela komentatzen du eta baita hainbat proiektu egiteko aukera eskaintzen digula ere.

08-04-21

2008-04-21T11:43:00.000-07:00

Egia esanda artikulu hau nahiko interesgarria iruditu zait, bloga zer den jakin beharra dago eta baita irakaskuntzan ematen den eragina ere ezagutu beharrean gaude.
Beraz, artikuluan esaten den moduan, Blogak komunikazio tresna berri bat da, Web orrialde dinamiko sinple bat alegia. Bere berezitasunak hauek dira besteak beste:
Blogean mezu bat argitaratzea oso erraza da, idazten badakizu blog bat editatzen jakingo duzu. Mezu horiek orden kronologikoan azaltzen dira, hau da, argitaratutako azken mezuak lehenak agertuko dira eta mezu guztiak ezin direnez lehenengo orrian azaldu artxibategi batean gordetzen dira pasatako mezuak. Mezuetan bisitariek iruzkinak uzteko aukera dute, blogari eta bisitari arteko elkarrekintza bultzatuz. Blogeko mezuak jario bitartez jasotzeko aukera ere badago.Irakaskuntzan gazteak euren lanak entregatzeko edo motibatzeko tresna bezala erabil daitezke. Era honetan, gazteak motibatzeaz gain, teknologia berrietan heziko ditugu. Irakasleak lanak paperean entregatu beharrean blog batean zintzilikatzeko aukera eman dezake, era horretan gauzak automatikoki ordenatzen dira eta laguntza edo iruzkinak bertan egin ditzakete irakasle eta beste ikasleek. Blogak beraz, gure gogoetak plazaratzeko gune aproposa izan daitezke. Askotan gure gogoetak plazaratzeko gogoa dugu eta ez dugu lekurik aurkitzen.

08-04-21

2008-04-21T11:14:00.000-07:00

Alberto Vázquez-Figueroa idazle kanariarrak Bubok plataformak izan duen eragina horrela definitu izan du : 'El mundo del futuro'
Bubok, online argitaratzeko zerbitzu moduan definitzen da, erabiltzaileei dohainik haien obrak argitaratzeko aukera ematen die. Plataforma honen sortzaileak dioen legez, 'No hay tiradas iniciales, ya que los libros se imprimen bajo demanda cuando alguien los compra; una posibilidad que permiten ya las nuevas tecnologías'. Aukera hau, artista ikertzaile, ikasle, irakasle eta hainbat adituei zuzenduta dago.Hauek zerbait kontatzeko nahi dute eta plataforma honen bidez, argitaletxeei stockak ekiditen laguntzen dizkie. Haren erabilera oso erreza da eta azkarra ere. Orrian behin erregistratuta egonda, PDF formatuan idazleak web orrian bere lana argitaratuko du, dohainik gainera. Idazle honek bere lanak duen kalitateak eta formatua erabaki egingo du, eta baita saldu nahi duen eta zein kostetan ere beraren esku egongo da.

08-04-21

2008-04-21T10:07:00.000-07:00

Artikuluak, blogak izan dituen aurrerapenak eta baita irakaskuntzan erabiltzeko arrazoiak ere aipatzen ditu.
Gaur egun, Web 2.0 sarbideari esker, interneten gertatzen ari diren aldaketen berri jasotzeko erraztasun handia daukagu eta mugimendu berri honen buruan blogak kokatuko genituzke.
Esaten den moduan, 2005. urtea blogen iraultzaren urtea izan da, hazkundea izugarria izan da, eta une honetan 40 milioi blog baino gehiago aurki daitezke. Horren ondorioz, sarean zehar aurki daitekeen informazioa inoiz baino ugariagoa da eta inoiz baino sakabanatuago dago. Garai bateko direktorio erraldoi mikro informazioa nagusi den internetera pasatu gara. Informazioaren sakabanatze horren ondorioz, , ohikoak ez diren tresna berriak erabiltzera behartuta gaude (RSS gehigarriak, informazioa etiketatzeko sistemak …)
Egia da, sarean zehar topa daitezkeen blogen izaera anitza direla eta hauetako asko helburu didaktikoekin sortu direla. Hauek dira, hain zuzen ere, edublog izenez ezagutzen direnak, irakasteko sortu diren guneak baitira.
Lehen esan dudan moduan, artikulu honetan, blogen erabilera sustatzeko arrazoiak ere aipatzen dira, hain zuzen ere hauexek direlakoan:
1) Erabiltzeko errazak dira. Egia da behin sartuta, erraz lan egiteko aukera ematen digula.
2) Multimediak dira, alegia, testua, irudiak, animazioak, ahotsa eta bideoa biltzeko euskarria eskaintzen dute. Baliabide anitz eskaintzen dizkigute trasteatzeko eta erabil ahal izateko.
3) Ikaslearen partaidetza bultzatzen dute: tresna eraginkorrak dira metodologia eraikitzaile baten barnean. Erabiltzen den metodologiak, parte hartzera behartzen gaitu ikasleoi.
4) Gure egunerokoan erabiltzen ditugun beste hainbat baliabideekin konbinatuz, aurretik finkatutako helburu didaktikoak lortzeko oso baliagarriak dira.
5) Blogak eta horien inguruan erabil daitezkeen aplikazio guztiak doakoak dira.

08-04-21

2008-04-21T09:39:00.000-07:00

08-04-21

2008-04-21T09:00:00.000-07:00

Kaixo!
Gaur, osteguneko saio teoriko eta praktikoan egindakoaz idatziko dut.
Saio praktikoan, gure blogger-an erloju bat sartzen ikasi egin dugu. Beraz, bakoitzak internet orri batetik kode batzuk hartu ditu, eta jarraitu beharreko pausuak egoki eginez, gustoko izan dugun diseinua jarri dugu. Baita, link-ak jartzen ere ikasi dugu. Hala ere, ez dugu astirik izan sakontzeko eta bakoitzak etxean egin beharreko lana izan da.
Bestalde, saio teorikoan, Web 2.0 bideoa komentatzen egon gara. Esan dugunez, irakaslearen rola nahikotxo aldatu egin da eta haren formakuntza teknologikoa ezinbestekoa suertatzen da. LH-n derrigorrezkoa da informatikaz jabetzea eta ezagutza horrek bilakaera bat izan beharko du eta arin jaso eta barneratu beharko da. Gaurkotzeko jarrera landu behar da, aldaketei aurre eginez eta horietaz jabetuz.
Gaur egun irakaskuntza multidirekzionala da, hau da, baliabide asko ditugu irakasleekin komunikatuta egoteko (tutoretza, email...). Beraz, ikasleek irakasleekin komunikatzeko aukera anitz dituzte. Berriz ere, IKT- ren eragina agertzen zaigu.

08-04-08

2008-04-17T01:04:00.000-07:00

Education:
Bideoa ikusi dut iada.Oraingo irakaskuntza eta etorkizunekoa aztertzen ditu. Egia esanda, biharko irakasteko erak ikaratu egiten nau, eta bideoak dioen legez, nik nahiago dudan irakasteko modua, gaur egunean erabiltzen dena da. Etorkizunean, teknologiak duen eragin handia kontutan hartzen badugu, horren menpe bizi izango gara. Eragin hori irakaskuntzara ailegatuko da eta bideo honek klaseak ordenadoreen bidez emango direla ohartarazten gaitu. Esan daiteke gaur egun ikasleek koadernoak erabiltzen dituzten bezala, bihar horiei ordenadoreek ordezkatuko diete. Baita beste lanbideetara ere helduko da. Betiko kontuan gaude, beraz teknologiak duen garrantziaz jabetu beharrean gaude eta hobe da lehenbailehen mundu horretan sartzea.

08-04-14

2008-04-14T13:07:00.000-07:00

Web 2.0.
Bideoa ikusita galdera batzuei erantzungo diet:
-Nola definitzen dute web 2.0?
Sare berri bat moduan, online bitartez kolaborazioa eskatzen eta interaktibitatea bultzatzen duena. Informazioa gehitzeko aukera ematen du eta behin besteek idatzitakoa irakurrita, aholkua emateko aukera ematen du. Etiketak erabiltzen dira, edukin baliagarria ikusarazteko.
-Ezaugarri aipagarrienak:
Ezagutzarik gabe, bertan trasteatu eta erabiltzeko aukera ematen du eta beraz, era zuzen edo zeharka ikasteko aukera ere eskaintzen du. Mikrobaliabideen bidez, (internetaren oinarriak direlarik) informazia esportatu eta inportatu dezakegu. Baliabide hauen artean, bloga , podcast (mp3ko formatoan), video cast edota wiki aurki ditzakegu. Kontsumitzaileen eskutik sortutakoak izaten dira.
-Web 1.0 eta Web 2.0 ren arteko loturak:
2.0 sarea 1.0ren garapenaren ondorioa izango litzateke. Beraz, lehenengo saretik beste bertsio berria , garatuagoa dena, sortu egin da, hau da, 2.0, 1.0-ren eboluzioa dela esan dezakegu.
-Ondorioak:
Publizitatearen oinarri honek, baliabideen demokratizazioa dakar. Bertan, edukiaren baliagarritasuna lortzeko konpetentzia anitza sortzen da. Kontsumitzaile izatetik, ekoizleak izatera pasatzeko pausua erraz ematen da eta era honetan, ekoizle horren hitzek eragin handia izango dute kontsumitzaile horrengan.

Puntu hauek, oso ondo definitzen dute internetan dauden baliabideek duten eragin handia. Informazio horren menpe gaude gu eta hori ezin dugu ukatu. Mikro baliabide horietan ikusten duguna guztiak pentsatzen dugun baino gehiago eragiten gaitu, era zuzen edo ez zuzen batean.

08-04-14

2008-04-14T12:01:00.000-07:00

2008ko apirilaren 14an, astelehena.
Oraingo sarrera, blogaren erabilerari hasiera emateko, ostegunean egindako alde teoriko eta praktikoaren ekarpena egingo dut. Lehenik eta behin, klase praktikoan bakoitzak blog bat sortu behar izan dugu. Esan beharra daukat, hasiera batean nahiko erreza iruditu zitzaidala, baina behin pausuak beteta ez nekien nola idatzi behar nuen eta urduri jartzen hasi nintzen. Hala ere, ez da hainbesterako izan eta hasiera baino ez da izan. Beraz, bloga egunkari elektroniko moduan erabiltzen den baliabidea izango dugu, interneten bidez modu errez batean artikuluak, albisteak edota iritziak publikatzeko. Hau edonork argitaratu dezake eta baita iruzkina egin.
Bestalde, klase teorikoan, web 2.0 programa ikusi egin dugu. Egia esanda, ez dut kontzeptu hau inoiz entzun eta ez nekien batere honetaz. Teknologia aurreratuari dagokion erraminta edo sarea da. Hainbat ordenagailutan sartzeko aukera ematen digu eta guztion artean eraikitzeko aukera ere, hau da, eraikuntza soziala sustatzen du. Izaera dinamikoa dauka eta edonork edita dezake (you tube, blog adibidez). Feed-a (elikadura) errazten du, irakurtzen duzunean ikasiz eta zure aportazioarekin besteek ere ikasi egingo dutelakoan. Beraz, irakurketa eta idaketaren bidez ikasteko aukera eskaintzen digu. Hala ere, 2.0 baino lehenago, web 1.0 bazegoen baina honek izaera finkoa dauka eta soilik irakurketarako aukera ematen digu.
Besterik, gaurkoz hori da guztia. Gero arte.

08.04.10

2008-04-10T01:35:00.001-07:00

gauekoa eta abar

*Ordenagailuaren bidez ikasten*

Material Didaktikoa

08-05-19

08-05-19

08-05-10

08-05-10

08-05-10

08-04-28

08-04-24

08-04-21

08-04-21

08-04-21

08-04-21

08-04-21

08-04-08

08-04-14

08-04-14

08.04.10

Ordenagailuaren bidez ikasten